အိပ်မက်များနဲ့ ကခုန်ခြင်း

လူတိုင်းလိုလို အိပ်မက် မက်ဖူးကြပါတယ်။ အိပ်မက်ဆိုတာ လက်တွေ့ဘ၀မှာ အကောင်အထည်မပြနိုင်တဲ့ မသိစိတ်ရဲ့ အလုပ်လုပ်ခြင်း၊ သို့မဟုတ် စေ့ဆော် အားထုတ်မှုပြုခြင်းလို့ မှတ်သားဖူးပါတယ်။ တစ် နည်းပြောရရင် လက်တွေ့မှာ မဖြစ်နိုင်ပေမယ့် အိပ်မက်ထဲမှာတော့ ကိုယ်ဖြစ်ချင်တဲ့ဆန္ဒတွေကို မသိစိတ် က ပုံဖော် လုပ်ဆောင်ပေးခြင်းပါပဲ။ ဒါပေမဲ့ ဒါဟာ အတုအယောင်ဖြစ်ပြီး လက်တွေ့ အကောင် အထည်ဖော်ဖို့ ကတော့ သိစိတ်ရဲ့ ဦးဆောင် စီမံခန့်ခွဲနိုင်မှုပေါ်မှာ မူတည်ပါတယ်။

 လူတိုင်းမှာ စိတ်ကူးအိပ်မက်ဆိုတာ ရှိတတ်ကြပါတယ်။ ဒီစိတ်ကူးအိပ်မက်တွေကို လက်တွေ့ အကောင် အထည် ဖော်နိုင်တဲ့သူတွေ ရှိသလို၊ အကောင်အထည်ဖော်ဖို့ အထမမြောက်သေးတဲ့သူတွေလည်း ကျွန်မတို့ ပတ်ဝန်းကျင်မှာ အများအပြား ရှိကြပါတယ်။ အဓိက ကတော့ ကိုယ့်ရဲ့ စိတ်ကူးအိပ်မက်ဆိုတာ ကြိုးစား ရင် ဖြစ်နိုင်တယ်ဆိုတဲ့ ထက်သန်တဲ့ယုံကြည်မှု ထားရှိဖို့ပါပဲ။

ဒီနေရာမှာ ပြောချင်တာတစ်ခုက "စိတ်ကူးအိပ်မက်"ဆိုတဲ့ အသုံးအနှုန်းနဲ့ "စိတ်ကူးယဉ် အိပ်မက်"ဆိုတဲ့ အသုံးအနှုန်းကို သတိပြုမိစေချင်ပါတယ်။ "စိတ်ကူးအိပ်မက်"ဆိုတဲ့ အသုံးအနှုန်းဟာ "အပြု သဘောဆာင်သော ကြံရွယ်ရည်စူးမှုပါတဲ့ စိတ်ရဲ့ ထက်သန်မှု" ဆိုတဲ့အဓိပ္ပာယ်ကို ကိုယ်စားပြုပြီး "စိတ်ကူး ယဉ် အိပ်မက်" ဆိုတာကတော့ "စိတ်ရဲ့စေစားရာ၊ လွင့်မျောရာအတိုင်း စိတ်ကူး ရွက်လွှင့်ခြင်း"ကို ဆိုလို ပါတယ်။ လက်တွေ့ဘဝမှာ စိတ်ကူးယဉ်အိပ်မက်ထဲကအတိုင်း ဖြစ်မလာနိုင်မှန်း သိပေမယ့် စိတ်ကို လွတ်လပ်စွာ လွင့်မျောစေခြင်းဖြင့် မိမိကိုယ်ကို အပန်းဖြေခြင်း၊ ဒါမှမဟုတ် ကိုယ့်ရဲ့စိတ်ကို လှည့်စားပြီး စိတ်ချမ်းသာမှု ရယူသော နည်းလမ်းတစ်မျိုးလို့ ဆိုလိုချင်တာပါ။

ကိုယ့်စိတ်ထဲက ခိုင်မာတဲ့ ထက်သန်မှုဟာ တွန်းအားအဖြစ်နဲ့ "စိတ်ကူးအိပ်မက်"ကို မွေးဖွားပေးနိုင်သလို၊ ကိုယ့်စိတ်ရဲ့ လိုလားတောင့်တချက်တွေဟာလည်း တဒင်္ဂ စိတ်ပျော်ရွှင်မှုအဖြစ် "စိတ်ကူးယဉ် အိပ်မက်" ကို ဖန်တီးပေးပါတယ်။ ကျွန်မတို့အနေနဲ့ ဘယ်လိုအိပ်မက်မျိုးကို မက်ခဲ့တာပဲဖြစ်ဖြစ်၊ မက်ဖို့ ကြိုးစားနေတာ ပဲဖြစ်ဖြစ် အိပ်မက်နှစ်ခုရဲ့ သေချာတဲ့ ဂုဏ်သတ္တိကတော့ ဒီအိပ်မက်တွေဟာ ကျွန်မတို့ကို အနည်းနဲ့အများ စိတ်အေးချမ်းသာမှုကို ပေးစွမ်းနိုင်ခဲ့တာ ဖြစ်ပါတယ်။

ဒါကြောင့် ကျွန်မတို့ရဲ့ ကိုယ်ပိုင် စိတ်ကူးအိပ်မက်တွေကို ပုံဖော်ထုဆစ်ရင်း စိတ်ကူးယဉ် အိပ်မက်တွေ နဲ့ ပျော်ရွှင်ခြင်း ကောင်းကင်မှာ လွတ်လပ်စွာ ပျံသန်းရင်း ဘ၀ခရီး ဆက်ကြပါစို့။

မြဝတီဇော်