ကြည့်ရှုစောင့်ရှောက်မှုတွေ ပေးစေချင်

  

ကျွန်မတို့ မြန်မာစကားမှာ "နှုတ်ဖြင့် စောင်မခြင်း"ဆိုတဲ့ အသုံးအနှုန်းကို အကျွမ်းတ၀င် ရှိကြမယ်လို့ ထင်ပါတယ်။ သုံးနှုန်းတဲ့ စကားလုံးအရ ကိုယ်တိုင်ကိုယ်ကျ လုပ်ကိုင် ဆောင်ရွက်နိုင်ခြင်း မရှိတဲ့အခါ၊ ဒါမှ မဟုတ် အခွင့်အရေး မပေးတဲ့အခါ ကိုယ်တတ်စွမ်းသမျှ အတိုင်းအတာတစ်ခုအထိ ကူညီစောင့်ရှောက် မှု ပေးခြင်းလို့ အဓိပ္ပာယ်ပေါ်လွင်ပါတယ်။ ဒီလို ကိုယ်တတ်နိုင်တဲ့ အပိုင်းကနေ တပိတပိုင်း ကူညီခြင်းကို လည်း မင်္ဂလာတစ်ပါးလို့ ဆိုခွင့်ရချင်ပါတယ်။

မြန်မာ့လူမှုဓလေ့မှာ "ကြီးသူကို ရိုသေ၊ ရွယ်တူကို လေးစား၊ ငယ်သူကို သနား" ဆိုတဲ့ ကျင့်ဝတ် အစဉ် အလာတစ်ခု ရှိပါတယ်။ အသက်၊ ဂုဏ်၊ ၀ါ ကြီးသူများအား ရိုသေခြင်းကို ပါဠိဘာသာနဲ့ "ဂါရဝေါစ" လို့ သုံးပါ တယ်။ "နိဝါတောစ" ဆိုတာကတော့ မိမိကိုယ်ကို နှိမ့်ချခြင်း ဖြစ်ပါတယ်။ မြန်မာလူမျိုးတွေဟာ မိမိထက် အသက်အရွယ်ကြီးသူများကို ရိုသေသမှုနှင့် ဦးစားပေးလေ့ ရှိကြပါတယ်။ ဒါ့အပြင် သက်တူရွယ်တူ အချင်း ချင်းကို လေးစားမှု ထားရှိကြသလို ကိုယ့်ထက် အသက်အရွယ် ငယ်သူများကိုလည်း သနားချစ်ခင် စိတ်ဖြင့် ညှာတာတတ်ကြပါတယ်။ အခက်အခဲနှင့် တွေ့ကြုံလာသူဆိုလျှင်လည်း ကိုယ်တတ်စွမ်းသမျှ ဖေးဖေးမမနှင့် ကူညီစောင့်ရှောက်မှု ပေးလေ့ရှိကြပါတယ်။ ဒါဟာ မြန်မာလူမျိုးတို့ရဲ့ ချစ်စရာ ဓလေ့ထုံးစံတစ်ခု ဖြစ်ပါ တယ်။

တစ်စုံတစ်ယောက်ကို ကြည့်ရှုစောင့်ရှောက်ခြင်းကို အင်္ဂလိပ်ဘာသာမှာ look after လို့ သုံးနှုန်းပါတယ်။ စကားစပ်မိလို့ ဗဟုသုတ အနေနဲ့ ပြောရမယ်ဆိုရင် look after ကို ကြိယာအနေနဲ့ သုံးတဲ့အခါ သိတတ်သည် လို့ အဓိပ္ပာယ်ရပါတယ်။ နောက်ဝေါဟာရတစ်ခုဖြစ်တဲ့ look at  ဆိုတာကတော့ အားလုံးသိရှိပြီးဖြစ်တဲ့ ကြည့် သည်ဆိုတဲ့ အဓိပ္ပာယ်အပြင် လေ့လာသည်၊ ရှုမြင်သည်၊ ကြည့်ရှု စစ်ဆေးသည်ဆိုပြီး ဆင့်ပွား အဓိပ္ပာယ် များနဲ့လည်း အကြောင်းကိစ္စကိုလိုက်ပြီး သုံးနှုန်းကြပါသေးတယ်။

ယနေ့အချိန်မှာ အားနည်းသူ၊ ခိုကိုးရာမဲ့သူတွေကို ဖြူစင်သန့်ရှင်းတဲ့ စိတ်ထားနဲ့ ဖေးမ ကူညီ စောင့်ရှောက်နေကြတဲ့သူတွေရှိသလို အဲဒီလို စောင့်ရှောက်မှုပေးတဲ့သူတွေကို အဖြူရောင်သက် သက်ဖြစ်တဲ့ မျှော်လင့်ချက်နဲ့ စောင့်စားနေကြတဲ့သူတွေလည်း ကမ္ဘာနဲ့အ၀ှမ်းမှာ ရှိနေပါတယ်။ မျှော် လင့်စောင့်စားခြင်းကို အင်္ဂလိပ်ဘာသာမှာ look for/ look forward ဆိုပြီး သုံးလေ့ရှိပါတယ်။ တစ်စုံ တစ်ယောက်ကို မျှော်လင့်စောင့်စားနေတယ်ဆိုတဲ့ အဓိပ္ပာယ်ပါ။ ဒါ့အပြင် လူတွေမှာ တစ်ခါတရံ မိမိ ရဲ့ရှေ့ရေးကို မျှော်တွေးကြည့်မိတာမျိုး ရှိနိုင်ပါတယ်။ အဲဒီလို ရှေ့ရေးကို မျှော်တွေးခြင်းကို look ahead လို့ သုံးနှုန်းတယ်လို့ မှတ်သားမိပါတယ်။

မိမိရဲ့ ဖြူစင်တဲ့ကရုဏာစိတ်နဲ့ အတုံ့အပြန်ကို မမျှော်လင့်ဘဲ တစ်စုံတစ်ယောက်ကို ပြုစုစောင့်ရှောက်ပေး ရတဲ့ ပီတိဟာ ဘယ်အချိန် ပြန်တွေးတွေး ကျွန်မတို့ရဲ့စိတ်ကို ချမ်းမြေ့ကြည်နူးစေတာ အမှန်ပါ။ အဲဒီ လို တွေးမိလိုက်တိုင်း ကျွန်မတို့ လက်လှမ်းမမီသေးတဲ့ နေရာက ခိုကိုးရာမဲ့သူများကို တွေ့မိတဲ့အခါ look through လို့ခေါ်တဲ့ မြင်လျက်သားနဲ့ မမြင်ယောင် မပြုကြဘဲ look after  ဆိုတဲ့ ကြည့်ရှု စောင့်ရှောက်မှုတွေကို မိမိတတ်နိုင်တဲ့ အတိုင်းအတာအလျောက် ပြုလုပ်ပေးကြစေဖို့ ရည်ရွယ်ပြီး ဒီဆောင်းပါးလေးကို ရေးဖြစ် ပါတယ်။

မြ၀တီဇော်