Friday, December 19, 2014

အတ္တဖြင့် ထုံမွှမ်းအပ်သော အမြုတေ



"ဒီနေ့ ပြဿဒါးနေ့လား မသိဘူး"

ကျွန်မစိတ်ထဲမှ မကျေမနပ် ရေရွတ်လိုက်မိသည်။ ဖြစ်ပုံကိုလည်း ကြည့်ဦး။ ဒီနေ့ လာကြိုနေကျ ရုံးကား မရှိ သဖြင့် လိုင်းကားဖြင့် ကျွန်မ ရုံးတက်ရသည်။ စီးလာသည့် လိုင်းကားက ရုံးရှိရာသို့ တစ်ဆင့်တည်းစီး၍ မရောက်။ သို့ကြောင့် နောက်တစ်ဆင့် ပြောင်းစီးရသည်။ ပြဿနာက ထိုပြောင်းစီးလာသည့် ကားပေါ်မှ စ,သည်။ ကျွန်မ ကားပေါ်တက်ပြီး နောက်တစ်မှတ်တိုင်အရောက်မှာ အမျိုးသမီးတစ်ယောက် ဈေးဆွဲခြင်း ကိုင်ပြီး တက်လာသည်။ လက်တစ်ဖက်က ဈေးခြင်းတောင်းဆွဲလာပြီး နောက်တစ်ဖက်က မုန့်ဟင်းခါးထုပ် ကို တွဲလွဲဆွဲကာ ကားပေါ်သို့ ဟိုယိုင် သည်ယိုင်နှင့် အမောတကော တက်လာသည်။ သူမကားပေါ်ရောက် သည်နှင့် ကားက မှတ်တိုင်မှ ၀ူးခနဲ ဆောင့်ပြီး ထွက်တော့သည်။ ကျွန်မက နောက်နှစ်မှတ်တိုင်လောက်ဆို ဆင်းရတော့မည်မို့ သူမဘေးနားမှာ ရပ်နေလိုက်သည်။ ထိုအမျိုးသမီးမှာ ကား၏ အတက်အဆင်းပေါက် တွင် ပိတ်ရပ်နေသည်မို့ ကျွန်မက သူမကို -

"ဆင်းမှာလား မသိဘူးနော်၊ ကျွန်မ ရှေ့မှတ်တိုင်ဆင်းမှာမို့၊ နည်းနည်း ဖယ်ပေးပါလား"

ဟု ပြောလိုက်မိသည်။ ထိုအမျိုးသမီးက ကျွန်မကို လှည့်၍မျှပင် မကြည့်၊ ဘာမှလည်း ပြန်မပြော။ ကျွန်မ နည်းနည်းတော့ တင်းသွားသည်။ ဘယ့်နှယ့်လဲ....။ ဆင်းရင်လည်း ဆင်းမယ်၊ မဆင်းသေးရင်လည်း မဆင်းသေးဘူးပေါ့ .. ဖြေလိုက်တော့ ဘာဖြစ်သွားမှာမို့လဲလို့ တွေးရင်း ကျွန်မ ဆင်းရမည့်မှတ်တိုင် ရောက် လာသည်။ ကားက အရှိန်ဖြင့် ထိုးရပ်လိုက်သည်မို့ ကျွန်မမှာ ဘေးမှအမျိုးသမီး၏ ရှေ့သို့ရောက်သွားပြီး တစ်ချိန်တည်းမှာပဲ ကျွန်မ၏ နောက်ကျောဆီမှလည်း ပူခနဲ ခံစားလိုက်ရသည်။ ကားပေါ်မှ လူအချို့၏ ဟယ်ခနဲ အာမေဋ္ဋိတ်သံကိုပါ ကြားလိုက်မိသည်။ ကျွန်မသည် ကားပေါ်မှ ဆင်းလိုက်ရင်းက လက်ဖြင့် နောက်ကျောသို့ အသာစမ်းမိသည်။ လက်ကို ပြန်ကြည့်လိုက်တော့ ... သွားပါပြီ ... မုန့်ဟင်းခါး ဟင်းရည်တွေက ကျွန်မအကျီ င်္နောက်ကျောမှာ ရွှဲစိုပေကျံကုန်သည်ကို စိတ်ပျက်ဖွယ် တွေ့လိုက်ရသည်။

ထို့ကြောင့် ကျွန်မက နောက်သို့လှည့်ကာ ထိုအမျိုးသမီးကို ကြည့်လိုက်တော့ ... သူမလည်း ထိုမှတ်တိုင် တွင် ဆင်းကာ ကျွန်မ လှည့်ကြည့်နေမှန်း သိသော်လည်း ကျွန်မကို တောင်းပန်စကားပြောရန် ဝေးစွ။ သူမ၏ ဈေးခြင်းတောင်းကိုသာ လက်က ဆွဲလျက် နှုတ်မှလည်း -

"ကားက ဘယ်လိုများ မောင်းနေလဲ မသိဘူး...၊ မုန့်ဟင်းခါးတွေတော့ ကုန်ပါပြီ၊ ဟင်းရည်မပါပဲ ဘယ်လို လုပ် စားရတော့မှာလဲ ..."

 ဟု တဖျစ်တောက်တောက်ဆိုကာ ထွက်သွားတော့သည်။ ကျွန်မမှာ ကားမှတ်တိုင်မှ ရုံးရောက်သည်အထိ မုန့်ဟင်းခါးဟင်းရည်နံ့များ တထောင်းထောင်းဖြင့် ရုံးပေါ်အထိ လျှောက်လာရသည်။ ပို၍ဆိုးသည်က ရုံးထဲ ၀င်လိုက်သည်နှင့် Air Con: ဖွင့်ထားသောကြောင့် ကျွန်မကိုယ်ပေါ်မှ မုန့်ဟင်းခါး ဟင်းရည်နံ့က သိသာစွာ ပညာပြတော့သည်။ ကျွန်မမှာ ရှက်ရှက်နှင့် ရုံးက အစ်မကြီးတစ်ယောက်ကို အကူအညီတောင်းကာ အကျီ င်္နောက်ကျောမှ ဟင်းရည်ဖတ်များကို တစ်ရှူးဖြင့် သုတ်ပစ်ရသည်။ ပြီးမှ သန့်စင်ခန်းထဲဝင်ပြီး အကျီ င်္နောက်ကျောကို ဆပ်ပြာတိုက်ကာ ခပ်မြန်မြန် လျှော်ဖွပ်ပစ်ရသည်။ ထို့နောက် ရေစင်အောင် ညှစ်ပြီး စိုနေသည့်အတိုင်းပင် ပြန်ဝတ်ကာ အလုပ်လုပ်ဖို့ ပြင်ရတော့သည်။

× × ×


ဒီလိုနှင့် နံနက် ၁၀ နာရီခွဲခန့်တွင် လက်ကိုင်ဖုန်း မြည်လာသဖြင့် ကောက်ယူ နားထောင်လိုက်သည်။

"ဟဲလို"

"ဟဲလို .. အေး ... မမ၊ ငါပါ၊ မီးမီးလေးကို ခုနကပဲ သူ့အဘိုး လာခေါ်သွားတယ်၊ မနက်စာ မုန့်လေးပဲ စား ရသေးတယ်၊ လိုအပ်တဲ့ ပစ္စည်းတွေအားလုံး ငါ ထည့်ပေးလိုက်တယ် သိလား"

"ဟုတ်လား၊ ငါက ဒီတစ်ပတ်ကျရင် ကလေးကို သူ့အဘိုးအဘွားတွေအိမ် မပို့တော့ဘူးလို့ ပြောထား ခဲ့သေးတယ်၊ ပြီးခဲ့တဲ့ တစ်ပတ်က သူ့အဘွားက နေသိပ်မကောင်းဘူးဆိုလို့လေ၊ ဒါနဲ့ ဘာဖြစ်လို့ လာခေါ် သွားတာလဲ၊ ငါ့ကိုလည်း ဖုန်းမဆက်ပါဘူး"

"အေး၊ ဧည့်သည်တွေ လာလို့ဆိုလားပဲ၊ အဲဒါ.. ဟို... ဟိုဥစ္စာ... ကားငှားလို့ မရလို့ဆိုပြီး ဆိုင်ကယ် ကယ်ရီ နဲ့ ခေါ်သွားတယ် မမ..."

"ဘာ...! ဘာနဲ့ ခေါ်သွားတယ် ... ဆိုင်ကယ်နဲ့ ဟုတ်လား၊ အမယ်လေး ... ဘုရား ဘုရား ...၊ ဒုက္ခပါပဲဟယ် ...ငါစိတ်ညစ်ပါတယ်နော်...၊ ဆိုင်ကယ်နဲ့သွားတာ ဘယ်လောက် အန္တရာယ်များလဲ ... ဘယ်တုန်းက သွား တာလဲ ... နင်တို့က ကားမငှားပေးလိုက်ဘူးလား"

"မဟုတ်ပါဘူး .. မမရယ်၊ ငါကလည်း ရေချိုးခါနီး ဖြစ်နေတော့ ... အပြင်ထွက်ဖို့ မလွယ်လို့ပါ...၊ ကားငှား သွားမယ်ဆိုပြီး ... တော်တော်နဲ့ ကားငှားမရလို့ ... သူ့အဘိုးက ဆိုင်ကယ်နဲ့ ခေါ်သွားတာပါ"

"ဟာ... မဖြစ်ဘူး..၊ မဖြစ်ဘူး...၊ ငါဖုန်းလှမ်းဆက်လိုက်ဦးမယ် ...။ ဒါပဲနော်"

ကျွန်မရင်ထဲတွင် ဗလောင်ဆူသွားကာ ရုတ်တရက် လူက မူးမိုက်သလိုပင် ဖြစ်သွားရသည်။ ကျွန်မ အသိ ထဲတွင် မြင်ယောင်မိသည်က သိပ်မကြာသေးခင်က လှိုင်သာယာဘက်တွင် ကားနှစ်စီး ရှောင်ရာမှ တစ်ဖက်ယာဉ်ကြောမှ လာသော ဆိုင်ကယ် ကယ်ရီတစ်စီးအား တိုက်မိခဲ့ရာ ဆိုင်ကယ် ကယ်ရီသမားရော၊ စီးလာသည့် သားအမိနှစ်ယောက်ပါ အသက်ဆုံးခဲ့ရသည့်သတင်းပင် ဖြစ်သည်။ ထိုသတင်းကို ဖတ်မိပြီး ကတည်းက သမီးလေးကို ဘယ်လိုအကြောင်းကြောင့်ပဲ ဖြစ်ဖြစ် ဆိုင်ကယ်နှင့် မခေါ်ဖို့ စိတ်ဆုံးဖြတ်ထားခဲ့ သည်။ သည့်မတိုင်ခင်ကလည်း ဆိုင်ကယ် ကယ်ရီနှင့် ဘယ်တုန်းကမျှ ခေါ်မသွားခဲ့ဖူးပါ။ ဘယ်သွားသွား ကားဖြင့်သာ ခေါ်သွားခဲ့သည်။

ယခုတော့ ... သူ့အဘိုးဖြစ်သူက ဆိုင်ကယ် ကယ်ရီနှင့် ခေါ်သွားသည်ဆိုတော့ ... ကျွန်မ ရင်တွေ ပေါက် ကွဲထွက်တော့မလို ပူလောင်ရတော့သည်။ တုန်ယင်နေသော လက်ဖြင့် ဖုန်းနံပါတ်တစ်ခုကို ခပ်မြန်မြန် နှိပ် လိုက်သည်။ တစ်ဖက်သို့ ခေါ်ဆိုနေသော ဖုန်းသံ တတူတူကို စိတ်မရှည်စွာ စောင့်ဆိုင်းအပြီးမှာ တစ်ဖက် မှ ပြန်ထူးသံ ကြားလိုက်ရသည်။

"ဟဲလို ... အမေလား"

"ဟဲလို ... ဘာလဲ"

"သြော် ... အဖေ၊ သမီးလေးကို ဆိုင်ကယ် ကယ်ရီနဲ့ ခေါ်သွားတယ်ဆို အဖေ၊ အဲဒါ ..."

"အေးလေ၊ အခု အိမ်ရောက်နေပြီ၊ အဲဒါ ဘာဖြစ်လဲ"

"မဟုတ်ပါဘူး ... အဖေ၊ ကလေးကို ဆိုင်ကယ်နဲ့ခေါ်တာ သမီး အရမ်းစိတ်ပူလို့ပါ၊ နောက်ကို အဲဒီလို မခေါ် ပါနဲ့ အဖေ၊ ကားငှားခ သမီးပေးပါ့မယ်...၊ ဆိုင်ကယ်နဲ့တော့ မခေါ်ပါနဲ့ အဖေ၊ ကလေးက အခုမှ ရှစ်လပဲ ရှိပါသေးတယ်"

"နေစမ်းပါဦး၊ ညည်းက ဘာဖြစ်နေတာလဲ၊ အိမ်ရောက်နေပြီလို့ ပြောနေတယ် မဟုတ်လား၊ တော်ပြီ၊ ပူစရာ မလိုဘူး ... ကိုယ့်အလုပ် ကိုယ်လုပ်တော့"

ယောက္ခမဖြစ်သူက သူပြောချင်ရာ ပြောပြီးသည်နှင့် ဖုန်းကို ဂွပ်ခနဲ ချပစ်လိုက်သည်။ ကျွန်မ ရင်ထဲ ဆို့နင့် သွားကာ တဆတ်ဆတ်တုန်နေသည့် လက်ထဲမှ ဖုန်းကို ကြည့်ရင်း မျက်ရည်များ တလိမ့်လိမ့် ကျဆင်း လာတော့သည်။ ပြောရက်လိုက်တာ... ၀မ်းနဲ့လွယ်ပြီး မွေးထားရတဲ့ မိခင်တစ်ယောက်အနေနဲ့ ကိုယ့်သား သမီးအပေါ် စိတ်ပူခွင့်တောင် မရှိဘူးလား ...။ အန္တရာယ်ဆိုတာ ချိုပါတာမို့လို့လား ...၊ ဘာမှ မဖြစ်ရင်တော့ ဘာမှ မဖြစ်ပေမယ့်... ဖွ...ဖွ... မပြောကောင်း၊ မဆိုကောင်း တစ်စုံတစ်ခုများ မတော်တဆဖြစ်ခဲ့ရင် ဘယ် သူမှ ဘာမှ တတ်နိုင်မှာမဟုတ်။ မိခင်ဖြစ်တဲ့ ကျွန်မပဲ ရင်ကွဲရမှာ မဟုတ်လား။ အဆိုးဘက်က တွေးခြင်းမျိုး မဟုတ်ပေမယ့် ဆိုင်ကယ်ဆိုတာမျိုးက စီးနင်းသူအတွက် ဘာအကာအကွယ်မှ ပေးနိုင်တာမဟုတ်။ ဘာမှ မဖြစ်ဘူးဆိုပေမယ့် ရှစ်လအရွယ် ကလေးငယ်တစ်ယောက်အတွက်တော့ အဆောင်းအကာ မပါဘဲ နေ ပူအောက်မှာ စီးရသည်မို့ ကလေး ဖျားနာတော့ရော... ဘယ်သူက လာ၍ အပင်ပန်းခံမည်နည်း။ မိခင်ဖြစ် တဲ့ ကျွန်မသာလျှင် ပင်ပန်းရမည် မဟုတ်ပါလား။

ကျွန်မကို ထည့်မတွက်လျှင် နေပါ....။ အခုလိုမျိုး ကျွန်မ အလုပ်သွားနေချိန်မှာ သမီးလေးကို ခေါ်သွားချင် ရင်တောင် ဘေးကင်းကင်းနဲ့ လုံခြုံစိတ်ချရတဲ့ အခြေအနေမျိုးနဲ့ ခေါ်သွားစေချင်တာ ကျွန်မရဲ့လွန်ကဲမှု လား။ သမီးလေးကို အရာရာမှာ ပြည့်စုံစေချင်လွန်းလို့ ကိုယ်တိုင် အပင်ပန်းခံပြီး အလုပ်ထွက်လုပ်နေတာ ပါ။ ကုမ္ပဏီအလုပ်ဖြစ်သောကြောင့် မီးဖွားခွင့် သုံးလကို လစာအပြည့်နဲ့ ခံစားခွင့်ရပြီး ခွင့်သုံးလ ပြည့်ချိန်မှာ သမီးလေး ၂ လ ကျော်ကျော်နဲ့ အလုပ်ပြန်ဝင်ခဲ့ရပါသည်။ မိခင်တစ်ယောက်အနေနဲ့ ကိုယ့်သားသမီးကို တစ်နေ့လုံးခွဲပြီး ညရောက်မှ တွေ့ရတဲ့ ဘ၀ပါ။ ကလေးငယ်သည့် အချိန်တုန်းကလည်း ညတိုင်းနီးပါး ၃ နာရီ လောက်သာ အိပ်ရပြီး မနက်မိုးလင်း၍ ၇ နာရီမခွဲခင်မှာ လာကြိုသည့်ကားနှင့် အလုပ်ကို ထွက်လာ ရပြန်ပါသည်။ ထိုသို့ ဒုက္ခတွေခံပြီး မွေးလာရသည့် ကျွန်မကို "ညည်းက ဘာဖြစ်နေတာလဲ" ဟု မေး လိုက်ခြင်းဟာ ကျွန်မမျက်နှာကို ဖြတ်ရိုက်လိုက်သည်ထက် ပိုနာကျင်စေပါသည်။ မှန်ပါသည်။ ကျွန်မယောက္ခမတွေအတွက်လည်း သမီးလေးက မြေးဦးမို့ ကျွန်မထက် မလျော့အောင် ချစ်ကြမှာပါ။ သို့ပေမယ့် ကျွန်မရဲ့ ပူပန်နေတဲ့ စိုးရိမ်စိတ်ကို လျော့ပါးသွားအောင် မပြောချင်ရင် နေပါ၊ ရင်ဝဆောင့်ကန် သလို ခံစားရစေမည့် စကားမျိုးတော့ မပြောသင့်ဘူး မဟုတ်ပါလား။ အဲဒီနေ့က ကျွန်မ ထမင်း မစားနိုင်တော့ပါ။ ရင်ထဲမှာ တင်းကျပ် ဆို့နင့်နေကာ ၀မ်းပမ်းတနည်းနှင့် မျက်ရည်သာ တွေတွေကျနေ မိတော့သည်။ သေချာပါသည်။ ဒီနေ့ဟာ ကျွန်မ အတွက်တော့ ပြဿဒါးနေ့ပင် ဖြစ်ပါတော့သည်။

 × × ×

ကျွန်မ အလုပ်လုပ်တာနှင့် ပတ်သက်၍ မိတ်ဆွေတချို့က ကျွန်မကို ပြောကြပါသည်။ ကိုယ့်ယောက်ျားက ရှာနိုင်၊ ဖွေနိုင်ရဲ့သားနဲ့ အလကား အလုပ် ထွက်လုပ်နေရတယ်ဟူ၍။ ဟုတ်ကဲ့။ ဘယ်သူမှတော့ အလကားနေရင်း အလုပ် ထွက်မလုပ်ကြပါဘူးရှင်။ ဒီနေ့ခေတ်ကြီးမှာ လူတစ်ယောက်တည်း၏ လုပ်စာကို တစ်အိမ်လုံး ၀ိုင်းစားလို့ ဘယ်လိုမှ မဖြစ်နိုင်တာ အားလုံးအသိပင် ဖြစ်ပါသည်။ အရင်က လင် မယားနှစ်ယောက်တည်း ရှိစဉ်ကတည်းက ကျွန်မ အလုပ် လုပ်ခဲ့သည်။ ယခု သမီးလေး ရလာတော့လည်း ကျွန်မ အလုပ်ဆက်လုပ်ပါသည်။ ဒါဟာ ဘာကြောင့်လဲဆို.... ကျွန်မရဲ့သမီးလေးကို ကျွန်မရဲ့ချွေးနှဲ စာနဲ့ ဘယ်သူ့မျက်နှာမှ ကြည့်နေစရာ မလိုဘဲ ဆင်ချင်၊ ကျွေးချင်၊ ပြုစု ယုယချင်လို့ပဲ ဖြစ်ပါသည်။

ဒီအလုပ်ကြောင့်ပင် ကျွန်မ သမီးလေးကို အတိုင်းအတာတစ်ခုအထိ ပြည့်ပြည့်စုံစုံ ထားနိုင်ခဲ့ပါသည်။ တစ်ခုတော့ ရှိပါသည်။ ကျွန်မလည်း ကျွန်မ အတိုင်းအတာအလျောက် သမီးလေးကို ပြည့်စုံလုံလောက်စွာ ဂရုစိုက် ပြုစုစောင့်ရှောက်သလို မိသားစုဝင်တွေကိုလည်း ကျွန်မထက် မပိုတောင် ကျွန်မလောက်နီးနီး သမီးလေးကို ဂရုတစိုက် ပြုစုစောင့်ရှောက်စေချင်မိပါသည်။ ဒါကို ကျွန်မက "ပိုလွန်းအားကြီးတယ်" လို့ မေးငေါ့ရင်လည်း ခံရပါမည်။ ဘာကြောင့်လဲဆိုလျှင် ကျွန်မက အမေတစ်ယောက် ဖြစ်နေ၍ပင်။ ကျွန်မ မှာ သမီးလေးကလွဲပြီး ပိုင်ဆိုင်တာ ဘာမျှ မရှိပါ။ ဘာကိုမျှလည်း မလိုချင်ပါ။ ကျွန်မ ခေါင်းထဲမှာ စွဲထားတဲ့ အသိတစ်ခုမှာ ကျွန်မအလုပ်လုပ်နေခြင်းသည် ကျွန်မ မိသားစုနှင့် ကျွန်မရဲ့ သမီးလေးအတွက်သာ။ ကျန် တာတွေ ကျွန်မ စိတ်မ၀င်စားပါ။ အလုပ်လုပ်ခြင်းရဲ့ နောက်ဆက်တွဲအနေနှင့် သမီးလေးနားမှာ အချိန်ပြည့် ယုယခွင့်ကိုတော့ ကျွန်မ ဆုံးရှုံးခံခဲ့ရသည်ပေါ့။

× × ×

ကျွန်မဘ၀တွင် ရည်မှန်းချက်များ ရှိခဲ့ပါသည်။ အချို့သော ရည်မှန်းချက်တွေကိုလည်း ကျွန်မ အကောင် အထည် ဖော်နိုင်ခဲ့ပါသည်။ သို့ပေမယ့် ကျွန်မရဲ့ဆန္ဒတစ်ခုဖြစ်တဲ့ ကျွန်မငယ်စဉ်က မရဖူးတဲ့ ပျော်ရွှင် မှုတွေ၊ ပြည့်စုံမှုတွေ အားလုံးကို သမီးလေးအတွက် ကျွန်မက အတိုးချ ဖန်တီးပေးချင်မိပါသည်။ ကျွန်မ သမီးလေး ပျော်ရွှင်ဖို့အတွက် ကျွန်မ အမြဲဖြည့်ဆည်းပေးသွားမည်။ ကျွန်မ သမီးလေးကို ဘယ်သောအခါမှ မျက်နှာမညိုရအောင် ကျွန်မ ကြိုးစားနေဦးမည်။ အဆုံးစွန်ထိ ပြောပါရစေတော့။ သမီးလေးတစ်မျက်နှာ တည်းနဲ့ ကျွန်မ ဘ၀အမောတွေ ဖြေနေရခြင်းမို့ သမီးလေးနဲ့ပတ်သက်လာရင် ကျွန်မဟာ အရူးတစ်ပိုင်းလို့ ဆိုရလောက်အောင်အထိ သမီးလေးကို ကျွန်မ တန်ဖိုးထား ချစ်မြတ်နိုးပါသည်။ ကျွန်မလို မိခင်မျိုးကို "အသည်းပိုလွန်းတယ်၊ အိုဗာဖြစ်လွန်းတယ်" လို့ စကားတင်းဆိုကြရင်လည်း ကျွန်မ ခံယူဖို့ အသင့်ပင်။ အဘယ့်ကြောင့်ဆိုသော် ... သမီးလေးသည်သာ ကျွန်မဘ၀၏ "အမြုတေ" ဖြစ်သောကြောင့်ပင်။



ချစ်ခြင်းအားဖြင့်


မြ၀တီဇော်
(20/12/2014)


Sunday, December 14, 2014

"အမှတ်တရ"



ဒီကဗျာလေး ကျွန်မဘလော့မှာ မတင်ဖူးသေးဘူး ထင်ပါတယ်...။ ဆယ်ကျော်သက်အရွယ်က ရေးထားတဲ့ ကဗျာပေါ့။ အခုချိန် ပြန်ဖတ်မိတော့ ကိုယ့်ဘာသာကိုယ် ပြုံးမိပါတယ်...။ အဲဒီတုန်းကတော့ ဒီလို ကဗျာ တိုစိလေးတွေ ရေးပြီး မဂ္ဂဇင်းတွေ ဘာတွေ ပို့ဖို့ စိတ်ကူးယဉ်ခဲ့တာပေါ့။ :D






အမှတ်တမဲ့တိုင်းဟာ
     "အမှတ်တရ" မဟုတ်သလို ...
"အမှတ်တရ" ဆိုတာလည်း
     အမှတ်တမဲ့နေရင်
 အမှတ်တမဲ့ပါပဲ ... ။




မြ၀တီဇော်
(15/12/2014)
















Sunday, November 23, 2014

မျိုသိပ်ရင်းသာ ...



အိမ်တံခါး ဖွင့်ဝင်လိုက်သည်နှင့် သမီးလေးရဲ့ ငိုသံကို ကြားလိုက်ရသည်။ ဘာများဖြစ်လို့ပါလိမ့်လို့ တွေးမိ ရင်း လွယ်ထားသည့် စလင်းဘတ်အိတ်နှင့် လက်ထဲက ဆွဲခြင်းလေးကို သံမံတလင်းပေါ်သို့ ခပ်သွက်သွက် လွှတ်ချလိုက်မိသည်။ ကျွန်မ၏ ဒေါ်လေးက သမီးလေးကို ချီပွေ့ထားရင်း ချော့မြှူနေသည်။ သမီးလေးမှာ ငိုခဲလှသော ကလေးဖြစ်သဖြင့် ယခုလို စူးစူးဝါးဝါး ငိုနေခြင်းကို စဉ်းစားမရနိုင် ဖြစ်နေမိသည်။ အတွေးတွေ ကို ခနရပ်ပြီး ရေချိုးခန်းဆီ သုတ်သုတ်လှမ်းကာ ခြေလက်တို့ကို ခပ်မြန်မြန် ဆေးကြောနေမိသည်။

ပြီးနောက် အိမ်ရှေ့ဘက်သို့ ပြန်ထွက်လာပြီး ဒေါ်လေးထံမှ သမီးလေးကို ပွေ့ချီယူလိုက်သည်။ ထိုအထိ သမီးလေးမှာ တစ်ကိုယ်လုံး ရဲရဲတွတ်နေအောင် ငိုကြီးချက်မ ဖြစ်နေတုန်းပင်။ သမီးလေးကို ပွေ့ချီထား ရင်း နှုတ်မှလည်း တတွတ်တွတ် ချော့မြှူနေမိသည်။ ကျွန်မလက်ထဲရောက်တော့ သမီးလေးက အသံကျယ် ကြီးနှင့် အော်မငိုတော့ပေမယ့် တရှိုက်ရှိုက် ဖြစ်နေဆဲပင်။ သမီးရဲ့ မျက်လုံးအိမ်မှ မျက်ရည်ပေါက်ကြီးများ တလိမ့်လိမ့် စီးကျနေသည်ကို ကြည့်ရင်း ကျွန်မကိုယ်တိုင် မျက်ရည်ကျလာမိသည်။ သနားလိုက်တာ သမီးလေးရယ်... ။ သမီးလေး ဘာကြောင့် ငိုရသည်ကို မစဉ်းစားတတ်နိုင်။ သမီးလေးမှာ မွေးကတည်း က လေနာလည်း မပါ။ အလွန် သန္ဓေကောင်းသော ကလေးဖြစ်၍ အစဉ်အမြဲ မျက်နှာပြုံးချိုနေတတ်သည့် ကလေးဖြစ်သည်။

ခဏကြာမှ သမီးလေး ဤမျှ သည်းသည်းထန်ထန် ငိုကြွေးရခြင်းမှာ ၀မ်းသွားချင်သော်လည်း မသွားနိုင်၍ ငိုနေခြင်းဖြစ်ကြောင်း သိရတော့သည်။ သမီးလေးမှာ အသက်ခြောက်လ ပြည့်ပြီး ဖြစ်သော်လည်း ဖြည့်စွက် စာ မကျွေးသေးဘဲ နို့ဘူးသာ တိုက်နေဆဲဖြစ်ရာ ယခုလို ၀မ်းမသွားနိုင်ခြင်းကို တစ်ခါမျှ မဖြစ်ဖူးခဲ့။ ကျွန်မ မှာ မိုးလင်းက မိုးချုပ် အလုပ်တစ်ဖက်နှင့်မို့ သမီးလေး ခြောက်လပြည့်လျှင် ဆရာဝန်ဆီ ပြန်ပြရန် ရှိသည် ကိုလည်း မသွားဖြစ်သေးဘဲ ဖြစ်နေချိန် ဖြစ်သည်။ မိခင်ပီပီ သမီးလေးရဲ့ငိုသံကို ကြာရှည် မခံစားနိုင်သည် မို့ သမီးလေးကိုချီပြီး သမီးလေးရဲ့ ခါးအောက်ပိုင်းနားလေးကို လက်ကလေးဖြင့် အသာအယာ ပွတ် သပ်ပေးရင်း ကိုယ်ပါ မျက်ရည်တွေတွေ ကျနေမိတော့သည်။

နောက်ဆုံး သမီးလေးက အနာခံပြီး ၀မ်းကို ညှစ်လိုက်ရာ ၀တ်ထားသော Diaper တွင် သွေးစ အနည်းငယ် ပင် ပါလာတော့သည်။ သမီးလေး ငိုလိုက်သည်မှာ ပြောစရာပင် မရှိ။ (မရိုသေ့ စကား) ၀မ်းမှာ မာကျစ် လွန်းသောကြောင့် သမီးလေးခမျာ တစ်ကိုယ်လုံး ချွေးတွေရွှဲနစ်နေအောင် ကြိုးစားပမ်းစား သွားရရှာသည်။ ကျွန်မ သန့်ရှင်းရေးလုပ်ပေးသည်ကိုပင် မခံနိုင်လောက်အောင် သမီးလေး နာကျင်ခံစားရရှာသည်။ ကျွန်မ လည်း သမီးလေးကို သန့်ရှင်းရေး လုပ်ပေးပြီးသည်နှင့် ချော့မော့ကာ သိပ်လိုက်သည်။ ငိုရ နာကျင်ရနှင့် ပင်ပန်းလွန်း၍ ထင်သည်။ သမီးလေးမှာ ကျွန်မရင်ခွင်တွင် ခနချင်း အိပ်ပျော်သွားရှာတော့သည်။

+ + + + + +


"သမီးလေး ဘာဖြစ်လို့ အဲဒီလို ဖြစ်တာလဲ မသိဘူး။ သူ နို့ဘူးပဲ စို့တာပဲဟာ...။ ၀မ်းချုပ်စရာ ဘာမှ မရှိပါ ဘူး"

နောက်တစ်နေ့ရောက်တော့ ညီမလေးကို ကျွန်မ ပြောမိသည်။

"မမရေ... အမှန်က နင်မသိလို့ ...။ ငါတို့ မီးမီးလေးကို ထမင်းကို ကျေနေအောင် ချေပြီး ကျွေးနေတာ တစ်ပတ်လောက် ရှိနေပြီ"

"ဟယ် ... ဟုတ်လား။ ငါက ဆရာဝန်ဆီ ပြန်သွားပြပြီးမှ ဖြည့်စွက်စာ ကျွေးရမယ့် အစီအစဉ်ကို မေးမလို့ လုပ်ထားတာ။ ငါကလည်း မအားတာနဲ့ မသွားဖြစ်သေးဘူး။ ငါကတော့ ကလေးကို အစာပျော့ပျော့လေးကို အရင် ကျွေးစေချင်တာ... တော်ကြာ ကလေးရဲ့အစာအိမ်က နို့ဘူးပဲ စို့ရာကနေ ချက်ချင်းကြီး အစာမာ ကို ပြောင်းကျွေးလိုက်တော့ မကျေညက်ဘဲ ဖြစ်နေမှာစိုးလို့"

"အမယ်လေး... မမရယ်...။ ငါတို့လည်း သိပါတယ်ဟ...။ နင်ကလည်း...။ ငါတို့က နင်ပြောသလိုကြီး ကလေးကို ချက်ချင်း အစာမာ ကျွေးပါ့မလား။ ထမင်းကို ပျော့နေအောင် ချေပြီးမှ ခွံကျွေးတာပါ... နင့်သမီး က ရေလည်း အရမ်းကြိုက်တယ်...။ ရေသောက်လိုက် ... ထမင်းလေး စားလိုက်နဲ့။ ညနေဆိုရင်လည်း ငှက်ပျောသီးတစ်လုံး စားသေးတယ်"

"အေးပါဟာ.... ငါ့သဘောကတော့ သမီးလေးကို ထမင်း အရင်မကျွေးခင် Cracker လေးကို နို့လေးနဲ့ ခပ်ပျစ်ပျစ်လေး ဖျော်ပြီး အရင်ကျွေး... နောက် တစ်ပတ်နှစ်ပတ်လောက်နေမှ ထမင်းကို ဆန်ပြုတ်လို လုပ်ပြီး သေချာကျေအောင် ချေပြီးမှ ကျွေးစေချင်တာ ... ငါ ဆရာလုပ်တာ မဟုတ်ပါဘူးဟာ... ငါက ကိုယ် တိုင်လည်း မလုပ်ပေးနိုင်တော့ ... "

 ကျွန်မစကားသံက အဆုံးမှာ တိုးတိမ်သွားသည်။ ဟုတ်သည်လေ။ ကျွန်မက ကုမ္ပဏီတစ်ခုမှာ စာရင်းကိုင် မို့ မနက် ၇:၁၅ ဆိုလျှင် လာကြိုသည့်ကားနှင့် အိမ်က ထွက်ရသည်။ ရုံးချိန်က မနက် ၈း၃၀ မှ ညနေ ၅း၃၀ ဆိုပေမယ့် ကားလမ်းပိတ်တာနှင့် ဘာနှင့် ဆိုလျှင် အိမ်ကို အစောဆုံး ည ၇း၀၀ (သို့) ၇း၃၀ လောက် မှ ပြန်ရောက်တတ်သည်။ ထို့ကြောင့် သမီးလေးရဲ့ ကိစ္စအားလုံးအတွက် အိမ်သားတွေကိုသာ အားကိုးရ သည်။ တစ်နေ့တာလုံး သမီးလေးကို ချီပိုး ထိန်းကျောင်း၊ နို့ဘူးတိုက်၊ စားစရာကျွေး၊ ရေချိုး၊ သန့်ရှင်းရေး လုပ်၊ ပြီးတော့ သမီးလေးအ၀တ်တွေ လျှော်၊ မီးပူတိုက် စတဲ့အလုပ်တွေဟာ မိခင်တစ်ယောက်အနေနဲ့ ကျွန်မကိုယ်တိုင် လုပ်ရမည့် အလုပ်တွေပါ။ ဒါပေမယ့် အကြောင်းကြောင်းကြောင့် မိုးလင်းက မိုးချုပ် အလုပ်ထွက်လုပ်နေရတဲ့ အိမ်ရှင်မတစ်ယောက်အနေနဲ့ သမီးရဲ့တာဝန်တွေကို ပိတ်ရက်မှသာ လုပ်ပေးနိုင် ပါသည်။

ရှားရှားပါးပါး ပိတ်ရက်လေး တစ်ရက်ကို သမီးလေးနဲ့ ဆော့ကစား၊ လုပ်စရာရှိတာတွေကို သမီးလေးကို ချီရင်း တစ်ဖက်က လုပ်နှင့် ကုန်ဆုံးစေရသည်။ သူငယ်ချင်း မိတ်ဆွေတချို့က ကျွန်မကို ပြောကြသည်။ နင် အလုပ်မလုပ်လည်း ရရဲ့သားနဲ့ ...။ နင့်ယောက်ျားတစ်ယောက်လုံး ရှာနိုင်တာပဲ... အလကား အလုပ် ထွက်လုပ်နေတယ်တဲ့။ အလကားတော့ ဘယ်သူမှ ကိုယ့်သားသမီးကို ခွဲပြီး အလုပ် ထွက်မလုပ်ချင်ပါ။ ယခုခေတ်မှာ ထိုက်သင့်သော လစာနှင့် သင့်လျော်သော ခံစားခွင့်တချို့ကြောင့် ကိုယ့်မိသားစုရှေ့ရေးကို ကြည့်ပြီး အလုပ်လုပ်နေရခြင်းပါ။ ထိုသို့ ပြောသော မိတ်ဆွေများကို ကျွန်မ ဘာမှ မတုံ့ပြန်မိပါ။ ပြုံး၍သာ ကြည့်နေမိသည်။ ကျွန်မ ရင်ထဲကို သူတို့မှ မမြင်နိုင်တာလေ ...။

+ + + + + + +


"ဟယ်... သမီးလေး ငိုနေပြန်ပြီ။ ဟိုတစ်ခါလို ဖြစ်ပြန်ပြီ ထင်တယ်...။ ငါ စိတ်ညစ်ပါတယ်ဟာ...။ နင်တို့ကို ငါ မှာထားတယ်လေ...။ ကလေးရဲ့ဝမ်း ပုံမှန် ပြန်ဖြစ်တဲ့အထိ စောင့်ပြီးမှ ထမင်းကျွေးပါလို့...။ ခုတော့ ကလေးခမျာ ခံစားရပြန်ပြီ...။သနားပါတယ်...ငါ့သမီးလေး"

ကျွန်မ ရုံးက ပြန်ရောက်ရောက်ချင်း တစ်ညမှာ သမီးလေး ငိုနေသံ ကြားလိုက်ရ၍ ကျွန်မက ညီမလေးကို ခပ်ဆတ်ဆတ်လေး ပြောလိုက်မိသည်။ လူက ရုံးမှာ စိတ်ပင်ပန်းလာတာက တစ်မျိုး၊ အိမ်ပြန်ရောက်တော့ သမီးလေး ၀မ်းမသွားနိုင်၍ ငိုနေသည်ကို ကြုံလိုက်ရတာက တစ်မျိုးကြောင့် လူက စိတ်တိုမိသလို ဖြစ်ကာ ညီမလေးကို အပြစ်တင်လိုက်သည်။ ညီမလေးက -

"အေးပါ ... ငါလည်း မကျွေးပါဘူး...။ ဒီနေ့ ငှက်ပျောသီးပဲ စားတာ...တခြား ဘာမှ မကျွေးဘူး...။ နောက် ဆို နင့်သမီးကို ဘာမှ မကျွေးဘူး စိတ်ချ...။ နို့ဘူးပဲ တိုက်မယ်"

ညီမလေးကလည်း ကျွန်မကို စိတ်ဆိုးကာ ဘုဆတ်ဆတ်ပြောပြီး လှည့်ထွက်သွားတော့သည်။ ကျွန်မမှာ အလုပ်က ပြန်လာလာချင်း အ၀တ်အစားပင် မလဲနိုင်ဘဲ သမီးလေးကို ချီပိုးရင်း ချော့မြှူနေလိုက်သည်။ စိတ်ထဲမှာလည်း ကလေးကို တစ်ပတ်တန်သည်၊ နှစ်ပတ်တန်သည် နို့ဘူးပဲ တိုက်နေပြီး ၀မ်းပုံမှန်ဖြစ်သွားမှ အစာပျော့ပျော့ကို စကျွေးပါလို့ မှာထားသည့်ကြားက ခုလိုဖြစ်ရသည်မို့ အိမ်သားတွေကို စိတ်ဆိုးမိသည်။ အဓိကကတော့ သမီးလေး နာကျင်မှုကို မခံစားစေလိုခြင်းသာ။

"နင်တို့ငယ်ငယ်တုန်းကလည်း ဒီလိုပဲ ကျွေးမွေးပြီး ထိန်းကျောင်းလာတာ။ ဒီအရွယ်က ဒီလိုပဲ ဖြစ်တတ်တာ ချည်းပဲ။ နောက်ဆို ပုံမှန်အတိုင်း ဖြစ်သွားမယ့်ဥစ္စာ....။ သူ့အရွယ်နဲ့သူ ကျွေးသင့်တဲ့ အစားအစာကို ကျွေး ရတာပဲ..."

 အဒေါ်တစ်ယောက်က  လေသံ အေးအေးနှင့် ပြောပြီး ကျွန်မအနားက ထွက်သွားပါသည်။ ထိုနေ့မှ စ၍ နောက်ရက်များတွင် အိမ်သားများ ကျွန်မအပေါ် အေးစက်လာကြသည်ဟု ခံစားလာမိသည်။ ပြောစရာ ဆိုစရာရှိလျှင် ပြောဆိုကြသော်လည်း ယခင်ကလောက် ဟက်ဟက်ပက်ပက် မရှိကြတော့ဟု ကျွန်မစိတ်ထဲ ထင်မြင်မိသည့်အခါ ရင်ထဲမှာ နာကျင် ၀မ်းနည်းလာမိသည်။ ညဘက် အိပ်ရာထဲတွင် အိပ်ပျော်နေသော သမီးလေးကို ကြည့်ရင်း ကျွန်မတစ်ယောက်တည်း ကြိတ်ငိုမိသည်။ ကျွန်မက သမီးလေးအပေါ် စိုးရိမ်ပူပန် မှုဟာ သမီးလေးကို မိခင်နှင့်မခြား မေတ္တာစေတနာနဲ့ ပြုစုစောင့်ရှောက်ပေးသူတို့အတွက် စိတ်အနှောင့် အယှက် ဖြစ်သွားလေပြီလား။ ကျွန်မ အလုပ်သွားနေချိန်မှာ အိမ်မှာ ရှိသမျှ လူအားလုံးဟာ သမီးလေးကို ၀ိုင်းဝန်း ချီပိုး ထိန်းကျောင်းပေးနေကြသည်မှာ သူတို့ကိုယ် သူတို့ ပင်ပန်းရကောင်းပင် မသိ။ ဒါကို ကျွန်မ သိလျက်နဲ့ အပြစ်တင် ပြောဆိုမိသည်ကို သူတို့ စိတ်ကွက်သွားကြပြီလား။

တကယ်တော့ ကျွန်မရဲ့သမီးလေးကို တစ်အိမ်သားလုံး တုန်နေအောင် ချစ်ကြတာ ကျွန်မ အသိပါ။ သမီးလေးဟာ ကျွန်မဘက်မှာရော၊ ကျွန်မအမျိုးသားဘက်မှာပါ မြေးဦးလေးမို့ အကုန်လုံးက ၀ိုင်းပြီး ချစ်ကြ သည်းကြတာလည်း ကျွန်မအသိပါ။ ဒါပေမယ့်လည်း ကျွန်မရဲ့ မိခင်စိတ်အရ သမီးလေးကို ဘာကြောင့်မှ မငိုကြွေးရစေချင်တာ၊ သမီးလေးကို အမြဲ ပြုံးရယ်ရွှင်မြူးနေစေချင်တာတွေကြောင့် အိမ်သားတွေအပေါ် အပြစ်တင် ငြူစူခဲ့မိခြင်းသာ။ အခုတော့ ကျွန်မ မှားမှန်း သိခဲ့ပါပြီ။ ကျွန်မရဲ့ တဇွတ်ထိုးဆန်ဆန် စိုးရိမ်မှု အပေါ် စိတ်ခုသွားတဲ့ မိသားစုဝင်များကိုလည်း ကျွန်မ နားလည်ပေးတတ်ခဲ့ပါပြီ။ ဒါကြောင့် ခုနေအခါမှာ ကျွန်မရင်ထဲမှာ မျိုသိပ်ပြီး သိမ်းထားတဲ့ စကားတွေကို တစ်ချိန်ချိန် မိသားစုများကို ဖွင့်ဟခွင့် ရမယ်ဆိုရင် ကျွန်မ ပြောလိုက်ချင်ပါတယ်...။



"သမီးလေးကို ချစ်ပေးတဲ့အတွက် အားလုံးကို ကျေးဇူးတင်ပါတယ်" 


လို့ ......။









စာဖတ်ပရိသတ်များ အားလုံးကို လေးစားလျက်


မြ၀တီဇော်

(24/11/2014)
12:45 PM
 






Monday, October 27, 2014

ပေးဆပ်ချစ်



တစ်ခါတလေတော့လည်း
ကြိုးစားတိုင်း မဖြစ်တဲ့ ကံတရားကို
ဟားတိုက် ရယ်ပစ်လိုက်ချင်တယ် ...။

တစ်ခါတလေတော့လည်း
နေရာတကာ အားနာတတ်တဲ့အကျင့်ကို
ကိုယ့်အားနည်းချက်လို့
သတ်မှတ်ပစ်လိုက်ချင်တယ် ...။

တစ်ခါတလေတော့လည်း
ကိုယ့်ရင်ထဲက အပူကို သိုဝှက်
ငိုချင်လျက်နဲ့ ပြုံးနေရတဲ့ဘ၀ကို
မုန်းတီးပစ်လိုက်ချင်တယ်...။

..................................
..................................
..................................


ရင်ထဲက နာကျင်နေတဲ့ ဒဏ်ရာ
ဖန်တစ်ရာတေအောင်
ခံစားရပေမယ့်လည်း
အမှတ်မရှိတဲ့ နှလုံးသားက
(မင်းအတွက်ဆို)
အရှုံးပေးချင်တုန်းပဲ .... ။







 < မြ၀တီဇော် >
    3း 13 PM
    27/10/2014









Tuesday, October 21, 2014

လူတချို့အကြောင်း



လူတချို့ ရှိတယ် ...
ကိုယ်တိုင်က မပြည့်စုံပေမယ့်
သူတစ်ပါးရဲ့ လိုအပ်ချက်၊ အားနည်းချက်တွေကို
စောင့်ကြည့် ဝေဖန်ဖို့ အသင့်ရှိကြတယ်။

လူတချို့ ရှိတယ် ...
ကိုယ်နဲ့ ဆိုင်ဆိုင်၊ မဆိုင်ဆိုင်
သူတစ်ပါးရဲ့ အရေးအရာ ကိစ္စတွေမှာ
တတ်ယောင်ကားလုပ်ပြီး
အပြစ်ဆိုတတ်ကြတယ်။

လူတချို့ ရှိတယ် ...
ကိုယ့်ရဲ့ လိုအင်တွေအတွက်
သူတစ်ပါးရဲ့ ဘ၀တွေကို
ခပ်လွယ်လွယ် နင်းချေပစ်တတ်ကြတယ်။

အဲဒီလိုပဲ ...

လူတချို့ ရှိတယ် ...
ကိုယ့်လောက် မပြည့်စုံသူနဲ့ ကြုံတွေ့ရပေမယ့်
ကိုယ်နဲ့ တန်းတူထားပြီး
အခင်မပျက် ဆက်ဆံတတ်တယ်။

လူတချို့ ရှိတယ် ...
ကိုယ်နဲ့ မဆိုင်တဲ့
သူတစ်ပါးရဲ့ ကိုယ်ရေးကိုယ်တာကိစ္စတွေမှာ
ဝေဖန်ပြောဆိုဖို့
ရှောင်ရှားတတ်ကြတယ်။

လူတချို့ ရှိတယ် ...
ကိုယ့်ရဲ့ လိုအင်အတွက်နဲ့
သူတစ်ပါးကို မကောင်းဆိုဖို့
နှုတ်က မထွက်ရဲတဲ့သူတွေ ရှိတယ်။

တကယ်တော့ လူတချို့က သင်ထင်သလောက် မတုံးအကြပါဘူး။ သူတို့ သင့်ကို မတုံ့ပြန်တာက သင့်ကို ကြောက်လို့၊ သတ္တိမရှိလို့ မဟုတ်ပါဘူး။ တစ်နေ့ သင့်ကို သင်ပြုတဲ့ မကောင်းမှုတွေက ဒဏ်ပြန်ခတ်မှာကို သိနေလို့ပါ။

(မြ၀တီဇော်)
21/10/2014