ညက မက်တဲ့ အိပ်မက်
ငါ့အတွက်တော့ သိပ်ရက်စက်လွန်းတယ်။
မင်းကို တမ်းတစိတ်တွေနဲ့
တိတ်တဆိတ် ငါနိုးထခဲ့
မင်းမရှိတဲ့ မနက်ဟာ
ငါ့အတွက်တော့ စိတ်ပျက်စရာ။
အရင်ကဆို ...
ချိုမြိန်တဲ့ နံနက်ခင်းတွေ
တို့အတူ တည်ဆောက်လို့
ချစ်ခြင်းတွေနဲ့ တစ်မိုးသောက်ခဲ့တယ်။
အတူရှိစဉ်တုန်းမှာ ...
ငါ့အနား မင်းအမြဲရှိခဲ့
ငါ့ရဲ့ အိမ်ပြန်ချိန်တွေ
အချိန်မှန် စောင့်နေတဲ့ မင်းကြောင့်
နောက်မကျခဲ့ဘူး ...။
ရူးတယ်လို့ပဲ ဆိုချင်ဆို
ခုလို ငါငိုမိတိုင်းမှာ
(မင်းကို) အတိုင်းအဆမဲ့ လွမ်းတယ် ...။
ငါ့ရင်ထဲက ခံစားချက်
မင်းအတွက်လို့ ရည်စူး
မထူးခြားတဲ့ အရူးကဗျာတွေ
အခု ငါ ... ရေးနေမိပြန်တယ်။
ငါ့အိပ်ရာနံဘေး
မင်းနေရာ ကွက်လပ်ကလေးမှာ
(တစ်ခါ တစ်ခါ)
ယောင်ယမ်းပြီး မင်းကိုမြင်
ငါတော့ ရူးပြီထင်တယ်။
မင်းက ပျော်ရာကို သွားတာ မဟုတ်ပေမဲ့
ငါ့မှာတော့ တော်ရာမှာ ကျန်ခဲ့ရတာ
ဘာမှတော့ မထူးပါဘူးလေ
မင်းပေးလိုက်တဲ့ သီချင်းထဲကလို
(ခုဆို) ငါတို့ကိုလည်း
ရွှေပင်လယ်ကြီးက
ကာဆီးထားတာပါပဲ ...။
နေ့ရှိသရွေ့ ငါ ...
မင်းပြန်လာမယ့်ရက်တွေ
လက်ချိုးလို့ မရေတွက်ပေမဲ့
အနေခက်စေတဲ့ ငါ့ရဲ့ ပြက္ခဒိန်လေးကို ကြည့်ရင်း
မင်းနဲ့ ခွဲပြီး နေရတာ ...
ငါ့ရင်ထဲမှာ နာတယ် ...။
အခါအခွင့် သင့်လို့
ငါတို့ ဖုန်းပြောဖြစ်တဲ့အခါ
ဘာဘာညာညာ ရယ်မောစရာတွေ
ကြံဖန်ပြီး ပြောနေပေမဲ့
ဟန်ပန်စကားတွေရဲ့ နောက်မှာ
ငါတို့အသည်းတွေ ...
အပြန်အလှန် ငိုကြွေးနေခဲ့ကြတယ် ...။
မင်းကလည်း ငါ့အသံကို ကြားချင်
ငါကလည်း မင်းအသံကို ကြားချင်
(ဒီတစ်ခါ မင်းဆီက ဖုန်းလာရင်)
တမင်တကာပဲဖြစ်ဖြစ်
ငါ့ကို ...မင်းအသံလေး
ကျေးဇူးပြုပြီး နားဆင်ခွင့်ပေးပါ။
မင်းပြောတဲ့စကားတွေ
ငါ့ရင်ထဲမှာ သိမ်းဆည်း
ငါတစ်ယောက်တည်း အထီးကျန်ချိန်မှာ
မင်းအသံလေးနဲ့ ငါ ...
ဖြေသိမ့်ပါရစေ ...။
အချစ်ဆိုတာ ...
ကြာကြာဝါးမှ ခါးမှန်းသိတယ်တဲ့
ဘယ်သူပြောတာလည်းတော့ မသိဘူး
ငါတို့နှစ်ဦးအတွက်တော့
ဒီလိုမဟုတ်ဘူးနော်။
မင်းပျော်ရင် ငါလည်း အတူပျော်
မင်းစိတ်ညစ်ရင် ငါလည်း စိတ်ညစ်
ငါတို့နှစ်ယောက် သိပ်ချစ်ကြတာမို့
မင်းလွမ်းတဲ့အခါ ...
ငါလည်း လွမ်းနေမယ်ဆိုတာ
မင်း ယုံကြည်လိုက်ပါ။
ငါတို့နှစ်ယောက်
အတူတည်ဆောက်ခဲ့ကြတဲ့ ဘဝ
အစက မလှပခဲ့ပေမဲ့
မင်းရဲ့အချစ်တွေနဲ့ ငါ
ပျော်ရွှင်စွာ ရှင်သန်လာခဲ့တယ်။
မင်းပေးတဲ့ အကြင်နာ
မင်းဖန်တီးတဲ့ ကမ္ဘာမှာ
မင်းခင်းပေးတဲ့ လမ်းကို လျှောက်လို့
(အခုဆို) ငါ့ရဲ့ဘဝလေး
ပန်းခင်းလမ်းပေါ် ရောက်ခဲ့တယ်။
ငါလိုချင်တဲ့ ဘဝမျိုး
မင်းဖန်တီးဖို့ ကြိုးစားပေးခဲ့
မင်းရဲ့ အချစ်ကြွေးတွေ
ငါလေ ...
ဆပ်လို့ မကုန်နိုင်သေးဘူး ...။
အခုဆို ...
မင်းလိုချင်တဲ့ ဘဝမျိုး
ငါလည်း အတူ ကြိုးစားပြီး တည်ဆောက်
ငါဖန်တီးတဲ့ ငါ့မိုးကောင်းကင်အောက်မှာ
မင်းက ... ပျော်နိုင်မှာလား ...။
မင်းရင်မှာ ငါချည်ထားတဲ့ ကြိုး
တစ်ရစ်ပြီးတစ်ရစ် တိုးလာပြီမို့
မင်းဆိုးလို့တော့ မရဘူးနော်။
ငါ့ရင်မှာ မင်းချည်တဲ့ကြိုး
ထပ်တိုးလို့ တွယ်ရစ်နှောင်
တကယ်ချစ်တယ်ဆိုရင် ...
(........)
တို့အချစ်တွေ ထုဆစ်လို့
အခုချစ်တာထက်
ပိုချစ်ကြရအောင် ...။
မြဝတီဇော်