Wednesday, July 15, 2015

ရင်ဖွင့်မိသည်မှ အပ ...


အစကတည်းက သံသယတွေ ရှိနေရင်
ဘာလို့ ဒီအထိရောက်အောင်
အချိန်ကုန်ခံပြီး လျှောက်ခဲ့မလဲ ...။

တစ်ယောက်နဲ့တစ်ယောက်
ယုံကြည်မှုတွေ ခိုင်မာခဲ့လို့သာ
ဒီနေ့အထိ လက်တွဲလာခဲ့တာ မဟုတ်လား ...။


သံသယဆိုတဲ့စိတ်က
ကိုယ့်ကိုယ်ကိုယ်လည်း ပူလောင်တယ်
တစ်ဖက်သားကိုလည်း အပူကူးစက်ပြီး
ညှိုးနွမ်းစေတယ်။

ကိုယ်ထင်ရာ မှန်တယ်ဆိုတဲ့စိတ်က
ရာခိုင်နှုန်းများလာရင်
ဘေးထွက်ဆိုးကျိုးတွေ ဖြစ်လာတတ်တယ် ... ။

ရေခံမြေခံကောင်းမှာ မရှင်သန်ရတဲ့အပင်
ရာသီဥတုဒဏ်ကို သူ့ဇွဲနဲ့သူ ကြံ့ကြံ့ခံ ရှင်သန်နေရတဲ့အချိန်မှာ
ဘေးက မဖေးမပေးနိုင်ရင် နေပါစေ
နင်းချေပစ်ဖို့ မကြိုးစားပါနဲ့လား ... ။

လိုအပ်ချက်တွေ ကိုယ်စီ ရှိကြတာချင်းအတူတူ
ဖြည့်ဆည်းဖို့ မတတ်နိုင်လည်း
အနည်းဆုံးတော့
အပြစ်မဖို့ပါနဲ့လား ... ။

ကိုယ့်ရဲ့အတ္တတစ်ခုအတွက်
ဓားနဲ့တူနဲ့ စကားလုံးတွေနဲ့
ကိုယ့်ဘေးကလူရဲ့ရင်ထဲ
ဒဏ်ရာတွေနက်နဲအောင် ပေးပြီး
အဝေးထွက်သွားအောင်
မတွန်းပို့ပါနဲ့လားလေ ... ။


မြဝတီဇော်
(13/7/2015)

No comments:

Post a Comment